|
|
2. mai opna Trine Neteland (biletet) dørene til den nye frisørsalongen sin. Rein er ein økologisk frisør med reine produkt. – Etter 20 år i bransjen hadde eg lyst til å prøva noko nytt. Eg trong nye impulsar, seier Neteland.
På biletet friserer ho Heidi Kvandal.
Les meir i dagens utgåve av HF.
Siste gong ved minnesmerket
Lærar Kari Bente Valland Træbakken og elevane Thomas Walravens (t.v.), Johanne Neteland, Sverre Valland Steine, Isolde Holt Holene, Marita Midthus, Eirin Tufteland, Maiken Kyrkjeeide Neteland og Robin Steine heldt den siste minnestunda ved Fossen Bratte i regi av Steinsdalen skule.
Foto: Åsmund Soldal
6. og 7. klasse ved Steinsdalen skule var tidleg på beina nasjonaldagen. Som vanleg stod skulen for minnestunda ved krigsminnet ved Fossen Bratte. Ingen veit om nokon tek opp tradisjonen, for Steinsdalen skule vert nedlagd i år. Borna la blomar på minnesmerket over dei falne, las dikt og deltok i songen medan snøen fall.
Ned i bygda var varmegradene fleire, men regna gjorde det, utan at det dempa feiringa.
På Innstranda gjekk flaggberar Bård Jakob Ljones i brodden for toget for 50. gong på rad.
Les meir i HF fredag.
Tek pengar frå fond for å gje lån
Formannskapet valde å lukka dørene då Norheimsund industrier AS vart drøfta.
Foto: Sigbjørn Linga
Formannskapet fekk tysdag informasjon om situasjonen til Norheimsund industrier AS. Etterpå tilrådde medlemene å gje verksemda eit lån på to millionar kroner. Heradsstyret støtta det seinare same kveld.
Herleif Tveit (Sp) er nøgd med informasjonen, men meiner han burde ha kome tidlegare. Varaordførar Atle Naterstad (Ap) er også nøgd. Han trur deling og sal av verksemda er rette vegen å gå for å berga arbeidsplassane.
– Tida vil visa om dette lukkast, seier Naterstad, som rosar styreleiar Asbjørn Tolo for stor innsats for å berga verksemda.
Les meir i HF fredag.
Torgeir Børven skåra 1–0-målet då Odd Grenland spela 2–2 mot Sandnes Ulf på heimebane onsdag. Målet til øystesekaren kom etter berre halvtanna minutt, og var av det imponerande slaget. Han dribla seg forbi tre bortelagsspelarar og sende ballen forbi målvakta.
Børven var innblanda også i 2–0-målet. Han stod bak ei pasning til Adem Güven, som vart felt og fekk straffespark. Morten Fevang skåra.
Gjestene reduserte før pause og utlikna ti minutt ut i 2. omgang. Børven vart teken av banen etter om lag sytti minutt.
Sundag spela Børven 2. omgang, men skåra ikkje då Odd Grenland slo Hønefoss 4–1 på bortebane. Skienslaget møter Rosenborg på bortebane sundag.
Ekstraordinært formannskapsmøte om Norheimsund industrier AS
Formannskapet vart i dag munnleg kalla inn til eit ekstraordinært møte i rådhuset i ettermiddag klokka 16.30. Møtet gjeld framtida til Norheimsund industrier AS, fortel ordførar Asbjørn Tolo (H), som også er styreleiar i selskapet.
Tolo fortel at det ikkje føreligg ei saksutgreiing, men at det kan verta fremja forslag i møtet. Han kjem til å føreslå å lukka møtet, men ei eventuell røysting vil uansett føregå for opne dører, fortel han.
Heradsstyret har møte klokka 16. Tolo fortel at ein del av den opne timen vil verta droppa, slik at formannskapet kan avvikla møtet før sakshandsaminga tek til klokka 17.
Kubansk teater i Strandebarm
Eit kubansk teaterensemble vil spela Jon Fosse-skodespelet Namnet 6. og 7. juni i Strandebarm. Framsyningane vert på den gamle handelsstaden på Fosse, der det er plass til tretti tilskodarar i slengen. Stykket, som vert spela på spansk, er eit gjestespel på festspela i Bergen, opplyser medarrangør Dag Rune Mo.
Bygdesnakk i kontrollutval
Tilsetjinga av Sigrid Brattabø Handegard som landsbylos i Jondal hamna i kontrollutvalet. Det vart ikkje påvist feil i sakshandsaminga, men kontrollutvalet påpeika at den nye losen vart tilsett i konkurranse med søkjarar med høgare utdanning. Det var Arbeidarpartiet som bad kontrollutvalet gå gjennom tisletjinga, mellom anna fordi det vart ein del bygdesnakk om saka.
Les meir i HF tysdag.
Liv og røre på Storeteigen
Ein av aktivitetane på aktivitetsdagen gjekk ut på at ein skulle vera "spegel" for kvarandre.
Foto: Lars A. Oma
Onsdag feira Øystese pensjonistlag den europeiske aktivitetsdagen med aktivt program på Kvam bygdemuseum på Storeteigen. Det vart liv og røre i dei gamle stovene.
Les meir i HF i dag.
Må krevja meir i husleige
I 2011 var leigeinntektene frå faste brukarar i Kunstnarhuset Messen 6.400 kroner. Om finansieringsplanen for kjøp av Messen vert realisert, må leigeinntektene auka med nærare fem tusen prosent. I kveld tek heradsstyret i Kvam stilling til om heradet skal gje éin million kroner i tilskot til ei nyetablert stifting som har som føremål å sikra drifta av kunstnarhuset.
Les meir i dagens utgåve av HF.
Rådmann kuttar mykje i toppen og litt på sidene
Rådmann Arild McClellan Steine (t.v.) vil redusera leiargruppa kraftig. Ein av dei som får "fornya tillit", er Jon Nedkvitne.
Foto: Sigbjørn Linga
Etter nokre månader i tenkjeboksen har rådmann Arild McClellan Steine pønska ut eit nytt organisasjonskart for Kvam herad. Han vil redusera leiargruppa frå 14 til 4 personar. Han har allereie valt trioen han ynskjer med seg i gruppa. Dagens organisering fungerer ikkje godt nok, meiner Steine. Forslaget hans vart presentert for arbeidsmiljøutvalet i går, og skal vera på høyring til 1. juni.
Les meir i HF i dag.
Busdalen i det blå litt til
Foto: Lars Arvid Oma
Den kommunale eigedomen i Busdalen skal seljast, men er i praksis verdlaus, meiner to takstmenn. Årsaka er rekkjefølgjekrava om flaumsikring i den gjeldande reguleringsplanen. Det er uvisst kva som vert neste steg i saka.
Les meir i HF i dag.
I HF 8. mai kunne ein lesa at Elkem Bjølvefossen hadde gjort stas på ein del medarbeidarar. Det stemmer ikkje. Det var Aalvik arbeidarforeining som heidra kollegaer med høvesvis 25 og 40 års medlemskap i LO.
HF seier seg lei for feilen.
Denne karen kom til Nesvatnet i seinaste laget. Det var få damer igjen å sjansa på.
Kvar vår yrer det av liv i Nesvatnet på Mundheim. I slutten av april vitja nærare fire tusen padder vatnet, som vert rekna blant dei største paddelokalitetane i landet. Nokre av paddene var ute i seinaste laget.
Les meir om paddene på Nes i dagens utgåve av HF.
Ynskjer å bruka avgiftskompensasjon til strandveg
Torleiv Ljones (fremst) har fått ein søknad frå Kvam herad om to millionar kroner til strandvegen. Rådmann Arild McClellan Steine (bak, t.v.) synest ikkje det er problematisk.
Foto: Sigbjørn Linga
Kvam herad ynskjer stønad frå kompensasjonen for auka arbeidsgjevaravgift til strandvegen i Norheimsund. Måndag skal ei gruppe med representantar for ni verksemder avgjera om heradet får stønaden. Innstillinga er ei yting på éin million kroner.
I formannskapsmøtet tysdag spurde Heidi Sandven Botnen (KrF) om ein slik søknad burde vore drøfta politisk. Rådmannen avviser det, men påpeikar at dei folkevalde vil få høve til å seia nei til eit eventuelt tilskot. I juni vil dei folkevalde få ei ny sak som gjeld strandvegen. Dei må ta stilling til om dei vil bruka pengar på å fullføra prosjektet.
Det ligg elles an til at Folgefonna sommarskisenter får stønad frå verksemdene i Kvam.
Les meir i HF i dag.
Vil gje milliontilskot til huskjøp
Formannskapet er samd med kultursjef Lars Erik Klafstad (t.h.) i at kunsthuset i Ålvik fortener at Kvam herad legg seg i selen og spyttar inn éin million kroner.
Foto: Sigbjørn Linga
Dersom politikarane ikkje hostar opp eit tilskot på éin million kroner til ei stifting som skal prøva å kjøpa Messen i Ålvik, vil prosjektet Kunsthuset Messen verta nedlagt. Det meiner kultursjef Lars Erik Klafstad.
Formannskapet er samd med han i at det er rett å bidra. Tysdag tek heradsstyret debatten.
Les meir i HF i dag.
 Tord Torpe (biletet) frå Øystese har laga ein animasjonsfilm om Bjølvefossen og Ålvik. Filmen er del av avgangsutstillinga til bachelorstudentane ved kunst- og designhøgskulen i Bergen. Utstllinga opnar i dag. Les meir i dagens utgåve av HF.
Orienterte om situasjonen til "industrien"
Herleif Tveit (Sp) meiner formannskapet bør orienterast om kva som skjer med Norheimsund industrier AS før noko skjer.
Foto: Sigbjørn Linga
Ordførar Asbjørn Tolo (H) orienterte tysdag formannskapet om kva som er i ferd med å skje med Norheimsund industrier AS. Tolo, som er styreleiar i verksemda, opplyste at styret prøver å dela opp verksemda og selja delar av henne til andre selskap. Økonomien er så dårleg at noko må gjerast. Om ikkje noko vert gjort, vil ikkje selskapet makta å gjera opp for seg til hausten, slo han fast for opne dører.
Tok fyrste seriepoeng på overtid
Farleg øystesesjanse med Karsten Raunehaug (t.v) og Bjørnar Liland Skjelvan som aktørar.
Foto: Åsmund Soldal
Øystese fotball ligg sist på serietabellen etter fire kampar, men har i det minste eitt poeng. Dette kom på overtid laurdag då Karsten Raunehaug utlikna til 3-3 mot Bergen nord i siste sekund.
Eivind Madsen Skeie skåra kampens fyrste øystesemål på heimebanen då stillinga var 0-2 til gjestene. Espen Bjørkevoll utlikna til 2-2 med ein straffe etter 71. minutt.
Plakatkampanje mot oppdrett
Kurt Oddekalv starta fredag ein kampanje for å fjerna oppdrettsnæringa frå Hardanger.
Foto: Åsmund Soldal
Noregs miljøvernforbund starta ein plakatkampanje i Øystese då deltakarane på Hardangerfjordseminaret strøymde til Kabuso. Leiar Kurt Oddekalv opplyser at det er hengt opp store banner ved innfallsvegane til Hardanger, til dømes på Kvamskogen, i Norheimsund, på Mundheim og i Granvin. Det kjem fleire transparentar seinare, opplyser han.
Oddekalv meiner laksenæringa driv rovdrift på fjorden og produserer mat av dårleg kvalitet.
Hardangerfjordprisen til fjordfiskar
Frode Strønen (t.v.) seier at mange hjelpte til med å realisera samvirkeverksemda Fiskfråfjorden.
Foto: Åsmund Soldal
Hardangerfjordseminaret vert 4. og 5. mai avvikla i Øystese for femte gong. Arrangørane delte fredag ut Hardangerfjordprisen for fyrste gong. Heideren gjekk til fiskar Frode Strønen frå Torsnes. Strønen fekk påskjøninga mellom anna fordi han har gått i brodden for ein nytenkjande og praktisk retta organisasjon. Fiskfråfjorden har skapa positiv merksemd om fjordfisket, heiter det i grunngjevinga.
Prisen er ein båtkeip med hamleband.
Ti år med pub hjå Øvreviken
Denne gjengen sørgde for at gjestene var nøgde. Frå venstre: Are Mikal Opsanger, Kristina Aarekol, John Koala, Victor Tjosaas, Roberts Racko, eigar Bjørn Christian Laupsa og Valen Abdulahi.
Foto: Camilla Kvamme
I helga feira Øvreviken pub ti år. Jubileet vart markert med konsert, stand up og gode minne. No ynskjer eigarane å gje seg. – Om det er nokon som har lyst å verta pubeigar, er det berre å ta kontakt, seier Roger Vassnes.
Les meir om jubileet i dagens HF.
Foto: Lars Arvid Oma
Har du eit spørsmål om veving, er Kristi Skintveit (biletet) kvinna å spørja.
Les om henne i HF i dag.
1. mai-toget kunne ikkje klaga på vêret. Fremst ser me Jens P. Heyerdahl og Frode Jacobsen.
Foto: Camilla Kvamme
1. mai i Ålvik vart markert på tradisjonell vis tysdag. Talar var tidlegare Orkla-sjef Jens P. Heyerdahl.
– Me har hatt ein del bedrøvelege 1. mai-feiringar her i Ålvik. Tider der me har lura på om bygda i det heile har ei framtid. Det har me no fått bekrefta, understreka leiar i Aalvik arbeiderforening, Frode Jacobsen.
Les meir i HF i dag.
Skyttarmiljøet har ei rekkje "skyttarfamiliar". Ein av dei ser ein her. Frå venstre: Aleksander Bråten, Ann-Kristin Strømme Bråten og Jostein Bråten. Dei skaut både i Jondal og Tørvikbygd.
Foto: Johan Linga
Til saman deltok vel fire hundre skyttarar på dei to skytestemna i Jondal og Tørvikbygd 1. mai. Fleire av dei lokale skyttarane gjorde det godt.
Les meir i HF i dag.
Nei og ja til skisenterstønad
Nye investorar i Folgefonna sommarskisenter kan rekna med stønad frå Jondal kommune. Det er klart etter at kommunestyret onsdag lova seg sjølv å handla raskt når det kjem ein varsla søknad frå selskapet Visit fonna. Selskapet er under stifting med Øystein Stray Spetalen og Gunnar Hvammen som eigarar.
Jondalspolitikarane avslo ein søknad om 600.000 kroner frå samskipnaden Ski heile året fordi dei ynskjer at pengane skal gå direkte til eit eigarselskap. Visit fonna kan truleg rekna med å få summen fordelt på to år.
Les meir i HF.
Vil dela og selja Norheimsund industrier AS
Norheimsund industrier AS (NI) er i trøbbel. Styret vonar arbeidsplassar og aktivitetar kan bergast ved å selja avdelingar i verksemda. Ifølgje styreleiar Asbjørn Tolo tingar NI med attføringsselskapet A2G AS i Bergen om sal av mekanisk avdeling og avdelinga for tekniske tekstilar.
Bergensselskapet Victoria AS vil neste veke truleg ta stilling til eit tilbod om å kjøpa butikken og salsavdelinga. Styret vurderer å skilja attføringsdelen ut i eit eige selskap, og å selja bygningar på lengre sikt, opplyser Tolo.
Han vil informera formannskapet om situasjonen i fyrstkomande møte.
Les meir i HF fredag.
Sebastian Skåre (t.h.) og resten av Øystese fekk det tøft mot Vard Haugesund.
Foto: Sigbjørn Linga
Øystese tapa 2-5 for Vard Haugesund i den fyrste runden i fotballcupen for herrar.
Les meir i HF fredag.
|
Bør bruk av offentlege symjehallar vera gratis?
|