|
|
I dag vert dei folkevalde i Kvam orienterte om årsresultatet for 2009 i den opne timen klokka 16. Klokka 17 byrjar sakshandsaminga. Saklista er ikkje lang. Dei "største" sakene er auken i investeringsramma for Norheimsund barneskule og vurdering av privat drift av barnehagane i Øystese og Tørvikbygd.
Det kan òg verta noko så uvanleg som ein debatt om møteprotokollen frå førre heradsstyremøte. I protokollen heiter det under overskrifta "MERK" at Reidar Tolo (uavhengig), Hallvard Totland (V), Randi Storaas (SV) og Inga Lill Jensen Tolo (Ap) braut kommunelova då dei nekta å avgje røyst då ordføraren bad om heradsstyrets tillit til representantane i Kvam bompengeselskap AS. Fleire i utbrytarkvartetten er kritiske til ordførarens handlemåte, og meiner ho sjølv braut det politiske reglementet mellom anna ved å ikkje opna for debatt om saka. Det er det delte meiningar om – andre meiner det vart opna for debatt, og viser til at fleire hadde ordet før røystinga.
Totland meiner framgangsmåten grensar til maktmisbruk, og meiner ordføraren bidreg til å kvela lokalpolitisk engasjement. Ordføraren sjølv ynskjer ikkje å forskotera dagens ordskifte.
Herleif Tveit (Sp) føreslår i ein interpellasjon omtaksering av eigedomar i tilfelle der takstverdiane er opplagt urimelege. Rådmannen må forklara korleis sakkunnig nemnd har kome fram til dei såkalla takstsonene.
Les meir i HF i dag.
-annonse-
Skjerpar kunnskapen om anbod
Styreleiar i Kvam Næringsråd, Torleiv Ljones (t. v.), og innkjøpsleiar i Kvam herad, Atle Kjosås, inviterer til dagskurs. Temaet er korleis ein kan selja varer og tenester til det offentlege.
Foto: Lars A. Oma
I morgon møtest innkjøpsavdelinga i Kvam herad og det lokale næringslivet til eit kunnskapslyft innan anbodskunsten.
Les meir i HF i dag.
Slo 42 år gammal banerekord
Sander Bekkesletten var mellom dei yngste deltakarane på idrettsplassen.
Foto: Andre Skyaasen
I helga vart vinterens siste skeiseløp skipa til på Norheimsund idrettsplass. 16 deltok. Det var i grevens tid – sundag kom mildvêret og byrja tæra på banen som har vore stabil i over to månader.
Les meir i HF i dag.
Suksess på og utanfor banen
 Volleyballentusiastar i Kvam hadde gode dagar i helga. Då samlast om lag tre hundre spelarar til avsluttande rankingturnering i 1. divisjon i Øystese og Norheimsund. Arrangørane gjorde det skarpt i herreklassen. Hardanger volley tapa finalen mot Nyborg 2. Kvinnene på Rossvoll vart nummer sju etter å ha tapa kvartfinalen mot Austrått.
Les meir i HF i dag.
Agnethe Lie Øyri er ein av kvemmingane som spelar for Rossvoll.
Foto: Sigbjørn Linga
Dobbelstemnet i feltskyting samla 83 deltakarar. Tilskiparane er godt nøgde med det.
Foto: Liv Sollesnes
Åsne Skår frå Tørvikbygd og Trine Flotve frå Norheimsund og Øystese skyttarlag vann juniorklassen i dobbelstemnet i feltskyting i Jondal sundag.
Les meir i HF i dag.
– Ikkje ugilde i bompengesaker
Oddvar Brakestad vert "reinvaska" av kommuneadvokaten i saka som gjeld gildskapen hans i bompengedebatten.
Arkivfoto: Katrine Helgheim
Korkje ordførar Astrid Farestveit Selsvold eller varaordførar Oddvar Brakestad er ugilde i politiske saker der Kvam bompengeselskap AS er part. Det meiner kommuneadvokat Pål Heldal.
Dei er styremedlemer i selskapet, og Brakestad er i tillegg dagleg leiar. Det er ved fleire høve stilt spørsmål om gildskapen deira, sist i heradsstyremøtet 9. februar.
Les meir i HF tysdag.
Tek stilling til nedlegging
Tannklinikken i Strandebarm kan verta nedlagd. Her er Per David Clee Søhoel i arbeid ved klinikken.
Arkivfoto: Olav Bjørkum
Skal tannklinikkane i Strandebarm og Jondal leggjast ned? Tysdag tek fylkestinget stilling til spørsmålet.
Fylkestannlegen tilrår nedlegging av båe klinikkane. Både opplærings- og helseutvalet støttar framlegget, men dei folkevalde i båe organa tilrår at kvar einaste klinikk skal vurderast i eigne saker før nedlegging. Med andre ord vert ikkje vedtaket komande veke det siste ordet i saka.
Lektor Asbjørn Odd Ystebø (biletet) frå Kvam, som arbeider ved Danielsen videregående skole i Bergen, er tildelt St. Olavsmedaljen for ypparleg innsats
for norskamerikanske, kulturelle kontaktar. Fylkesmannen skal overrekkja medaljen sundag 14. mars.
Les meir i HF fredag.
Knut Johan Tveitane er sjølv jeger. Han vil ikkje sjå på ein dyretragedie utan å gripa inn.
Foto: Sigbjørn Linga
Takk vera Knut Johan Tveitane på Haukås i Strandebarm slepp hjortane på strekkja Ljones–Dysvik å svelta stort meir i vinter. Han vil fôra dyra med om lag seksti rundballar med tørrhøy med ei vekt på om lag 24 tonn. Det skulle halda ei stund. Høyet vert for tida frakta og lagt ut til dyra på høvelege stader.
Biletet er teke med viltkameraet til Arne Gjerde i Dysvik. Denne og andre hjortar i området vert no fôra med tørrhøy av høg kvalitet.
Foto: Arne Gjerde
– Handlar om øving, øving og øving
Brynjulf Måkestad (t. h.) studerer teknikken til Lars Gunnar Lundblad.
Foto: Sigbjørn Linga
Eit dusin skeiseløparar fekk torsdag instruksjon av Brynjulf Måkestad på isen på Norheimsund idrettsplass. Torsdag er det ein ny sjanse til å læra, og laurdag vert det planlagt ein ny konkurranse. Tidlegare i vinter vart det arrangert kvammameisterskap.
Les meir i HF i dag.
Ida Aalvik Aaserød legg ut på tur.
Foto: Sigbjørn Linga
Kvammajakta vart skipa til i strålande vêr laurdag. Sjå bilete frå og les om tevlinga i HF i dag.
Etter skigudstenesta på Kjosås var det tid for pølsegrilling og mat i sola.
Foto: Lars Arvid Oma
Minst 150 menneske tok turen til høgaste punktet i Kjosås-løypa sundag for å delta i skigudsteneste.
Les meir i HF tysdag.
God start på vinterferien
Foto: Sigbjørn Linga
Vinterferien er i gang, og aktiviteten er stor på Kvamskogen denne veka. Biletet er frå toppen av Tveitakvitingen sundag.
Les meir i HF tysdag.
Foto: Sigbjørn Linga
Fredag trykte HF ein artikkel om Didrik T. Martens sine planar for Eikeneset. Diverre vart feil bilete sett på trykk, slik at biletteksten ikkje samsvara med biletet. Det rette biletet til teksten ser du over. Biletteksten var følgjande:
"Didrik Trumpy Martens har kjøpt herregarden på Eikeneset. Her viser han planutvalet dei førebelse planane. Hovudhuset midt på kartet skal rustast opp. Han peikar på naustet, som skal verta forsamlingslokale og galleri med kai og parkeringsplass i nærleiken. Eigaren held underarmen der den nye soveromsfløyen er planlagd."
 I over 20 år har Jarle Mjelde og Karen Marte Bjørgum sørgja for god tannhelse hjå brukarane av tannklinikken i Helsebanken i Øystese. No får duoen avlasting frå eit nytt tannlegeteam. For ei veke sidan tok tannlege Guri Høgenæs Bergesen (24) og tannlegeassistenten hennar Linn Skeie Eikeland (28) mot sine fyrste pasientar. Les meir i HF i dag.
Foto: Camilla Kvamme
Meiner høgfjellhytter har svært låg verdi
Eigarane av hytter ved Bjølsegrøvatn i ålvikfjellet slepp billeg unna fordi sakkunnig nemnd meiner hyttene deira er svært lite verde.
Arkivfoto: Sigbjørn Linga
Medan mange hytteeigarar på Kvamskogen må ut med fleire tusen kroner i eigedomsskatt, slepp eigarane av ein del fjellhytter i høgfjellet i området mellom Norheimsund og Ålvik mykje billegare frå det. Dei fleste slepp å betala meir enn nokre tiarar i eigedomsskatt fordi sakkunnig nemnd meiner hyttene har svært låg verdi. Ikkje alle er samde i det.
Eitt hytteanlegg – Breidablik – slepp endåtil å betala skatt. Bakgrunnen er at sakkunnig nemnd bad heradsstyret vurdera fritak, og dei folkevalde slukte agnet og definerte hytta som eit såkalla allmennyttig anlegg sjølv om det er eigt av ein privatperson.
Les meir i HF i dag.
– Ramlande galne takstverdiar
Bustadene på Norheim i Norheimsund er verde 25 prosent meir enn bustadene i Ålvik og på Mundheim, meiner sakkunnig nemnd.
Foto: Sigbjørn LInga
Meklar Roger Norheim Johansen i Dnb nor eiendom meiner differensieringa mellom takstverdiane på eigedomar ulike stader i Kvam er heilt feil. Ifølgje sakkunnig nemnd er hus i Ålvik og på Mundheim verde 80 prosent av tilsvarande hus i Norheimsund. Salsstatistikken til meklaren viser at det er langt frå sanninga.
Skattelistene ligg for tida til offentleg ettersyn. Du kan sjå lista her.
Les meir i HF i dag.
Det var relativt kaotisk i Grova onsdag morgon.
Foto: Lars Arvid Oma
Snøvêret den siste tida byd på utfordringar for både privat og offentleg brøyting. Medan snømengdene aukar minkar vasskjeldene i Kvam.
Les meir i HF fredag.
Årets 4H-klubb i Hordaland
Innstrandaungdomane deltok på årsmøtet til Hordaland 4H, der dei fekk ei gledeleg overrasking. Frå venstre: Hannah Skjelnes Tveit, Anne Ljones, Marita Ljones, Sigurd Nyborg og Emilie Stentsøe Elkjær.
Foto: Rune Solberg
Hjorten 4H på Innstranda vart nyleg kåra til årets 4H-klubb i Hordaland. Du kan lesa meir om saka i HF i dag.
Foto: Åsmund Soldal
Snøkanonane i Furedalen alpin på Kvamskogen har laga tusenvis av kubikkmeter snø i vinter. Den ekte snøen har ein konsistens som ikkje eignar seg som underlag i slalåmbakken. Kunstsnøen er grunnen til at alpinanlegget har hatt ein kjempegod start på sesongen, opplyser Leif Nygård og Arvid Holt (biletet).
Den lange kuldeperioden har ført til at vatnet er frose i mange hytter. Gjensidige forsikring opplyser at det truleg vert store utbetalingar av skadeerstatning når mildvêret set inn.
Les meir i HF tysdag.
Reipslagar Ingunn Undrum forklarar korleis ein lagar tau på gamlemåten.
Foto: Lars A. Oma
Åttandeklassingane på Kvam ungdomsskule er nokre av dei som nyt godt av spisskompetansen om reipslaging på Hardanger fartøyvernsenter.
Les meir i HF tysdag.
Folketalsveksten held fram
Folketalet i Kvam voks med 13 i 4. kvartal i 2009. Ved årsskiftet heldt 8.360 personar til i kommunen. Jondal avslutta året med ein vekst på seks personar, og enda på 1.036. Også i dei fleste andre kommunane i Hardanger var det ein liten vekst i folketalet dei tre siste månadene av fjoråret, viser tal frå Statistisk sentralbyrå.
I heile 2009 auka folketalet med 22 personar i Kvam og 14 personar i Jondal.
Hjelper fattige i Aust-Europa
Mange var i sving då traileren vart lasta denne veka.
Foto: Lars Arvid Oma
Miljøbutikken Plant eit tre i Øystese er ikkje berre venleg mot miljøet – han hjelper òg fattige. Denne veka vart ei hjelpesending på om lag seksti kubikkmeter pakka og send frå Øystese til naudlidande i Latvia.
Les meir i HF i dag.
Avviser privat drift på Bjørketeigen
Formannskapet var på synfaring på Bjørketeigen før det tok stilling til barnehageutbygginga. Frå venstre: Herleif Tveit (Sp), rådmann Harald Inge Anderssen, Harald Kjosås (KrF), Martin Vik (Sp), Astrid Farestveit Selsvold (Ap) og barnehagestyrar Trude Femsteinevik.
Foto: Sigbjørn Linga
Formannskapet tilrår ikkje privat drift av barnehagane på Bjørketeigen og i Tørvikbygd. I møtet tysdag tok rådmannen sterkt til orde for kommunal drift, mellom anna ved å visa ei samanlikning av offentleg og privat drift som han på eige initiativ hadde utarbeidd. Det fungerte, for ingen av dei folkevalde tok til orde for å utsetja prosjektet på Bjørketeigen for å få ein privat aktør på banen.
Les meir i papiravisa i dag.
Foto: Åsmund Soldal
Landskapet kring Libru på Torsnes er i dagleg endring. Mannskapa til Kruse Smith entreprenør AS ryddar plass for Jondalstunnelen – det største anlegget i selskapets 75-årige historie.
Den fyrste tunnelsalva vert avfyrd kring påske. Veganlegget vil vera ferdig om tre og ein halvt år, opplyser prosjektleiar Bjørn Velken.
Les meir i HF fredag.
Gerda Aksnes og Astrid Sørheim frå Norheimsund tykkjer overgangen frå dagsenteret på Toloheimen til det nye felles dagsenteret på Øysteseheimen er til å leva med, sjølv om dei i utgangspunktet var mot flyttinga. – Øystese-konene er langt betre enn me trudde, seier Sørheim muntert.
Foto: Lars A. Oma
Det "nye" dagsenteret på Øysteseheimen vart offisielt opna måndag. Ifølgje gruppeleiaren på senteret, Hanne Mari Solheim Aarsand, er det vorte ei god løysing.
Les meir i HF fredag.
Kort sakliste i planutvalet
Planutvalet har som regel den lengste saklista av dei politiske utvala i Kvam, men onsdag er ho ikkje mykje å skryta av. Berre fire dispensasjonssaker står på lista. Mellom dei er søknaden frå Lars Kjosås om frådeling av ei bustadtomt på Oma, som tidlegare har vore utsett fleire gonger. Møtet byrjar klokka 9 og er ope for kvarmannsen.
Forskarar samlast i Herand
Om lag tjue forskarar frå fleire fagfelt samlast i Herand i april. Arkeologiske utgravingar under Sævarhelleren og Olsteinhelleren har gjeve mykje ny kunnskap om levemåten på Vestlandet i tusenåra etter istida. Herand er viktig i nordeuropeisk samanheng. Difor er konferansen lagd dit, opplyser fyrsteamanuensis Knut Andreas Bergsvik ved Universitetet i Bergen.
Les meir i HF tysdag.
Anders Lunde gjev seg som styreleiar i Øystese fotball etter fem år. Kven som overtek etter Lunde er framleis uklart. Frå venstre Kjell Henning Berge, Trygve Laupsa, Lunde og Per Dysterud.
Foto: Camilla Kvamme
På årsmøtet til Øystese fotball informerte styreleiar Anders Lunde om at han takkar for seg – etter fem år i sjefsstolen. Dermed står klubben utan styreleiar. ØF har spurt 30 personar om dei ynskjer å overta etter Lunde, men alle har takka nei. Ny styreleiar, banestorleik og kutt i budsjettet er nokre av utfordringane klubben står ovanfor i tida som kjem.
Les meir i HF i dag.
Kåre Fosso (t.h.) fekk blomar og vervepremie på årsmøtet til Kvam sau og geit førre tysdag. Leiar Lene Tørvik og Dag Laupsa-Borge deltok under overrekkinga.
Foto: Lars A. Oma
Kåre Fosso frå Vikøy er kåra til årets vervar av Norsk sau og geit (NSG). Seinare i år dreg han til Oslo for å ta imot diplom og meir heider.
Les meir i HF i dag.
Øystese fotball slo bergenslaget Ny-Krohnborg 5–1 i ein treningskamp fredag. Heimelagets nye trenar, Håkon Østevold, seier oppkøyringa til seriestarten i april går etter planen.
Nestor i spelarstallen, Kristian Pettersson, skåra tre mål. To var signerte Henrik Moen.
Les meir i HF tysdag.
Guri (10) er ofte i geitefjøset, særleg no i kjeinga.
Foto:Lars Arvid Oma
Det einaste geitebruket i Kvam er på flyttefot. Geitene og dei gamalnorske spælsauene til Lars Tyssebotn og Berit Ophus på Åse i Tørvikbygd er snart på veg til Osterøy.
Les meir i dagens HF.
Barnehage sentralt i formannskapet
Barnehage vert eit nøkkelord i dagens formannskapsmøte i Kvam. Dei folkevalde må ta stilling til drift av utebarnehage og naturavdelinga i høvesvis Tolomarka og Sjydnahaugen barnehagar. Dessutan må dei velja om dei vil satsa på kommunal eller privat drift av barnehagane i Øystese og Tørvikbygd. Trygge barnehager AS opplyste i eit brev sist veke at selskapet ikkje er uinteressert i å driva fleire barnehagar i Kvam. Dokumentet kom så seint på bordet at politikarande valde å utsetja saka for å handsama henne på forsvarleg vis. Avgjerda vert teken 9. mars.
Møtet byrjar klokka 9 og er ope for ålmenta.
Bladstyrar inntek dansegolv
Foto: Lars Arvid Oma
HF flytta fredag inn i nye lokale i Hardanger brygge i Norheimsund. Dermed er ein over 130 år lang tradisjon med avis i Skaar-huset broten. Diskoteket Bistroen heldt tidlegare til der lokalavisa no held hus. Både redaksjonen og forretningsavdelinga er svært nøgde med endringa.
Les meir i HF i dag.
Foto: Andre Skyaasen
Krinsmeisterskapen i volleyball for ungdomar gjekk i helga av stabeln i Norheimsund og Øystese. Du kan lesa om prestasjonane til dei lokale deltakarane i HF i dag.
Foto: Åsmund Soldal
Atle Naterstad frå Norheimsund (biletet) vart torsdag vald med akklamasjon til ny leiar i Kvam Ap etter Sveinung Vestbø. Han hadde ingen motkandiat. Kari Torpe frå Ålvik vart nestleiar, også ho vart samrøystes vald.
Partiårsmøtet var at avvikla utan bitre diskusjonar, men dei etablerte delelinene i medlemsmassen kom til syne i avrøystingane. Røystefordelinga var stort sett Norheimsund mot resten. Årsmøtet samla 115 detakarar.
Eit samrøystes årsmøte i Hordaland Venstre retta i helga kritikk mot Statnett sine planar om ei kraftline mellom Sima og Samnanger. Styremedlem Sverre Kleivkås frå Ullensvang seier i ei pressemelding at partiet respekterer folkemeininga og seier nei til ei luftline. Han meiner det er av nasjonal interesse å forsvara det eineståande fjordlandskapet i Hardanger.
Venstre meiner saka handlar om naturvern, verdiskaping og respekt for lokaldemokratiet, skriv han. Ifølgje årsmøtet bør lina kablast og helst leggjast gjennom ein tunnel under Kvamskogen.
Nekta å delta i røysting over tillit
Reidar Tolo (uavhengig) var mellom dei som nekta å delta i røystinga.
Arkivfoto: Sigbjørn Linga
Ordførar Astrid Farestveit Selsvold (Ap) opplevde mistilliten til seg sjølv og varaordførar Oddvar Brakestad (H) som så sterk i kveldens heradsstyremøte at ho kravde eit vedtak om at dei har tillit som styrerepresentantar i Kvam bompengeselskap AS. Dersom eit fleirtal ikkje hadde tillit til dei, ville dei trekkja seg.
Samtlege som røysta, gav Farestveit Selsvold og Brakestad tillit. Fire nekta å delta i røystinga og forlét spontant plassane sine rett før voteringa: Reidar Tolo (uavhengig), Hallvard Totland (V), Inga Lill Jensen Tolo (Ap) og Randi Storaas (SV).
Bakgrunnen for hendinga var ein omfattande debatt om habilitet og deltaking i ei styringsgruppe i kvammapakkeprosjektet. Ifølgje ordføraren var ordbruken over streken.
Les meir i HF fredag.
Rådmannen i Jondal rår kommunestyret til å utbetra den gamle prestebustaden i Vik. Dei folkevalde skal onsdag ta stilling til om kommunen skal byggja ny, kjøpa ein gammal eller pussa opp den eksisterande bustaden. Det siste vil kosta vel to millionar kroner.
Vil gje 100.000 kroner til Haiti
Raude krossen bør få 100.000 kroner frå Kvam herad til arbeid på jordskjelvråka Haiti. Det tilrår ordførar Astrid Farestveit Selsvold (Ap). Løyvinga vert drøfta av heradsstyret i kveld. Bakgrunnen er at Kommunenes sentralforbund har oppmoda kommunane om å hjelpa.
Mellom dei andre sakene på saklista er regulering av Hardingasete, endring av sørviserklæringa i kulturskulen, handlingsplanen for menneske med nedsett funksjonsevne, finansiering av strandvegen i Norheimsund, fritak for eigedomsskatt og arbeidsavtalen til rådmannen. Sistnemnde sak kan verta drøfta i lukka møte dersom politikarane meiner det er naudsynt. Det same gjeld truleg ei sak som gjeld brot på vilkår i alkohollova. Ei verksemd risikerer å mista skjenkjeløyvet.
Møtet byrjar klokka 16. Det er ope for alle.
– Reknestykke av låg kvalitet
Prosjektleiar Rolf Harkestad i Statens vegvesen.
Arkivfoto: Sigbjørn Linga
Tunnelinnslag i Skipadalen i staden for på Nes vil auka kostnaden med Børvenestunnelen med bortimot femti millionar kroner. Det hevdar prosjektleiar for Kvammapakken, Rolf Harkestad, i eit brev til dagleg leiar Oddvar Brakestad i Kvam bompengeselskap AS. I tillegg vil endringa medføra ei seinking av prosjektet, heiter det.
Brevet frå Harkestad vart i går delt ut av Brakestad til formannskapets medlemer, som var på ei såkalla strategisamling saman med Ålvik vekst KF på Bjørnegjorden gjestetun i Os. Saka skal drøftast av heradsstyret i kveld som eit resultat av ein interpellasjon frå KrF. Partiet ynskjer å setja i gang regulering av tunnelinnslag i Skipadalen.
Harkestad svarar at vegvesenet ikkje har bruka "for mye tid på saken". Hans reknestykke tilseier at tunnel frå Øystese til Skipadalen vert om lag 470 meter lengre enn den planlagde tunnelen. Dessutan må det byggjast om lag 620 meter veg for tilpassing til den eksisterande vegen, heiter det
Harkestad opplyser at kostnaden med bygging av tunnelar har auka dramatisk sidan 2000, mellom anna som følgje av raset i Hanekleivtunnelen. Meterprisen vert i dag difor rekna til 125.000 kroner for tunnelar med profil på 9,5, skriv prosjektleiaren, som difor trur kostnadsauken med tunnelen åleine kan verta 55–60 millionar kroner. Til fråtrekk kjem kostnader med veg og avkøyrsle på Nes.
Reidar Tolo (uavhengig) meiner reknestykka til Harkestad ikkje held mål. Han trur ikkje den reelle tunnelkostnaden er 125.000 kroner per meter. Han viser òg til at Harkestad i skrivet opplyser at normalprisen på veg av den typen som skal byggjast på Nes, er 20.000 kroner.
– Om me kuttar ut heile tunnelen og erstattar han med same veg som tilførslevegen til tunnelen, skulle det verta om lag førti millionar kroner for to kilometer. Det er under ein firedel av det tunnelløysinga kostar. Om eg skulle ta feil og det vert dobbelt så dyrt, er det likevel halvparten av tunnelkostnaden og hundre millionar spara, meiner Tolo.
Les om saka i HF fredag.
Vil samarbeida om seniorfotball
Sportsleg leiar i Norheimsund fotballklubb, Arve Øyri, meiner det er fleire gode grunnar for Norheimsund og Øystese fotballklubbar til å samarbeida. Biletet er frå hans tid som aktiv norheimsundspelar.
Arkivfoto: Sigbjørn Linga
Norheimsund fotballklubb ynskjer å samarbeida med Øystese fotball om seniorfotball. Bjørn og Arve Øyri i styret i Norheimsund meiner det finst ei rekkje gode argument for å oppretta eitt felles seniorlag i 3. divisjon frå og med 2011. Klubben har i eit brev bede om Øystese fotballs syn på eit eventuelt samarbeid.
Torsdag er det årsmøte i Øystese fotball. Det er uvisst om saka vert tema der.
Les meir i HF tysdag.
Kvam brannvern rykte sundag ettermiddag ut til det ein meldar på Kvamskogen trudde var ein hyttebrann i nærleiken av Løkjen. Det synte seg at brannen var eit uskuldig bål.
Ifølgje lensmannsvakta er det lov å brenna bål om vinteren så sant det føregår i kontrollerte former og med lovleg brensle.
Vil sjå ein gong til på alternativet
Harald Kjosås (KrF, t. v.) meiner tunnelinnslag i Skipadalen bør vurderast igjen, sjølv om det vart forkasta for ti år sidan. Her er han på synfaring med grunneigarane Geirmund Nes og Jostein Skutlaberg på Nes. Kjosås meiner det er lokalpolitikarane si plikt å syta for å utgreia alternativa skikkeleg når kvemmingane skal betala fleire hundre millionar kroner i bompengar.
Arkivfoto: Sigbjørn Linga
Kvam KrF ynskjer å regulera tunnelinnslag i Skipadalen i staden for på Nes. I ein interpellasjon til heradsstyremøtet tysdag tek partiet til orde for å granska alternativet til Nes grundigare. KrF mistenkjer at løysinga kan vera betre både med tanke på pengar og landskap.
Statens vegvesen frårår heradet å gjera anna enn å tvihalda på den gamle reguleringsplanen. Sjølv om ein del av området ved tunnelinnslaget på Nes er i ferd med å verta regulert på ny, er det den gamle planen som gjeld til den nye er vedteken, fortel sjef for offentlege planar i Kvam herad, Jon Nedkvitne. Vegvesenet tek med andre ord ingen risiko ved å byrja tunneldrivinga på austsida, vel vitande om at lokalpolitikarane kanskje kan koma til å ynskja at arbeidsfolka skal sjå lyset i Skipadalen. Vegvesenet kan enkelt og greitt byggja i tråd med den vedtekne planen.
Les meir i HF.
Vurderer Brakestad-habilitet igjen
Oddvar Brakestad (H) avventar svaret frå kommuneadvokaten. Han oppfattar ikkje seg sjølv som ugild, og har ikkje bede om å sleppa å delta i handsaminga av saker der bompengeselskapet er part.
Arkivfoto: Katrine Helgheim
På initativ frå Hallvard Totland (V) har ordførar Astrid Farestveit Selsvold (Ap) bede administrasjonen oppmoda kommuneadvokaten til Kvam herad om å vurdera habiliteten til Oddvar Brakestad (H) i politiske saker som gjeld Kvam bompengeselskap AS. I september 2009 vedtok eit stort fleirtal, etter innspel frå administrasjonen, at Brakestad er habil til å delta i handsaminga av sakene sjølv om han er dagleg leiar og styremedlem i bompengeselskapet. Totland meiner det er grunn til å få ei ny vurdering.
Les meir i HF i dag.
Næringsrådet ut av dvalen
 Direktør i Bergen næringsråd, Marit Warncke (biletet), vert med som inspirator under årsmøtet til Kvam næringsråd 12. februar. Styret satsar på å få rådet ut av dvalen.
Les meir i fredagens utgåve av HF.
Foto: Bergen næringsråd
Når Themsen er nedfjøra vert ferja liggjande tørt.
Foto: Hardanger fartøyvernsenter
Bilferja M/F Folgefonn, som i mange år har vore brukt som klubblokale for Erith yacht club i London, skal så snart råd er fraktast til Hardanger fartøyvernsenter. Ferja skal verta eit flytande musuem i Norheimsund.
Les meir i fredagsutgåva av HF.
Foto: Åsmund Soldal
Delar av Øystese var utan vatn frå tysdag ettermiddag til onsdag morgon. Det skuldast eit vassleidningsbrot nær Skålheim. Vassverket vart tappa for 85 liter vatn per sekund i om lag ein halv time, opplyser oppsynmann Leif Skår i Kvam herad.
Erling Aalvik frå Ålvik kjem heim frå juniorverdsmeisterskapen i skiskyting i Torsby med ein bronsemedalje og fleire andre gode plasseringar. 17-åringen gjekk tysdag mellometappen i 3x7,5 kilometer stafett, der det vart 3. plass til Noreg.
Det norske laget kom i mål 1.43,3 minutt etter det russiske vinnarlaget. Frankrike vart nummer to. Aalvik sine lagkameratar var Kristian Ruud Nesheim og Vetle Sjåstad Christiansen.
Mattevinnarar for fjerde gong
Det var stor glede i klassen (biletet) då resultatet var klart.
Foto: Lars A. Oma
Niandeklassingane på Strandebarm skule vart fylkesvinnarar i den landsomfattande matematikktevlinga Kapp Abel. Det er fjerde gongen ein klasse frå Strandebarm går vidare til semifinalen i Froland på Sørlandet.
Les meir i dagens HF.
Solveig Torsvik er klar for start i krinsmeisterskapen i klassisk langrenn på Voss.
Foto: Margaret G. Drivenes
Kvam langrenn- og skiskyttarklubb fekk fleire krinsmeistrar i langrenn på Voss i helga. Les meir i HF i dag.
3D-framstilling av Folgefonna sommarskisenter.
Foto: www.norgei3d.no
Biolog, forskar og prosjektleiar Leif Kastdalen har saman med biletspelprodusent Randi Storaas utarbeidd eit forprosjekt som tek føre seg nyskapinga 3D nettportal for Hardangerfjordområdet. Målet er å skapa ein informasjonskanal der vanleg netteknologi vert kombinert med ny tredimensjonal teknologi på ein interessevekkjande måte. Naturtru tredimensjonal gjengjeving av landskapet, visuelle uttrykk, gode fotografi, videoklipp, lyd og anna informasjon skal gje ein heilt ny presentasjon av Hardanger på Internett.
Les meir i HF i dag.
I går vart det stadfesta at svenskane i Bob hund kjem til Bygdalarm. Det populære bandet skal avslutta årets festivalfredag. Ifølgje festivalsjef Arne-Kristian Teigland kan konserten i Øystese vera siste sjanse til å oppleva bandet live.
– Medlemene er opptekne med soloprosjekt på kvar sin kant. Dei annonserte sin avgang allereie i fjor, fortel han.
Då bandet vart invitert til Øystese, klara dei likevel ikkje å seia nei.
– Bob hund er eit band me har ynskja oss lenge. Bandet passar godt inn i det programmet me har lyst til å presentera, seier Teigland.
Les meir om Bygdalarm i dagens HF.
Rådmann Harald Inge Anderssen vil fornya åremålsavtalen med Kvam herad før den gamle er gått ut.
Arkivfoto: Sigbjørn Linga
Tysdag 9. februar drøftar heradsstyret ei fornying av åremålskontrakten med rådmannen i Kvam – tre år før den eksisterande avtalen er gått ut. Løna til rådmannen skal òg drøftast.
Kvam herad meiner det har heimel for å halda det meste av saksutgreiinga hemmeleg. HF fekk før helga innsyn i ein liten del av dokumentet, men ikkje i dei delane som fortel kva krav rådmannen har stilt i tingingar med ordføraren og varaordføraren. HF har klaga på vedtaket. Då saka vart drøfta av formannskapet tysdag 26. januar, vart møtet lukka.
Du finn det offentleggjorde dokumentet her.
Økonomiske omsyn i arealsak
Det er oppført vel tjue bygningar på Hardingasete. Tysdag vert området regulert.
Arkivfoto: Sigbjørn Linga
I fjor røysta nesten heile planutvalet mot tomtedelingsplanen for Hardingasete fordi dei meinte planen kunne medføra eit press for å gjera eigedomen om til eit hyttefelt. Onsdag hadde fem av dei som røysta mot sist, snudd. Kjell Reidar Huus (DU) sat att som den einaste motstandaren av delinga.
Ingen av dei som hadde snudd, forklara kvifor i møtet, men HF har spurt dei i ettertid. Forklaringa til tre av dei finn du i dagens papirutgåve av HF.
Fleire av dei folkevalde undra seg over at ei så omfattande utbygging som på Hardingasete har førekome utan at det er stilt krav om regulering av området før. Andre påpeika at utbygginga er gjord i tråd med lovlege vedtak.
|
Bør Trygge barnehager AS få driva på Bjørketeigen?
|