Skuleelevar får båtskyss forbi ras
Det vert sett opp båtskyss frå Steinstø til Øystese tysdag morgon.
Det fortel rådmann Anita Hesthamar. Dermed kjem elevane frå Ålvik seg til Kvam ungdomsskule. Bussen frå Ålvik går til vanleg tid.Båten tek berre 11 passasjerar, så han må køyra fleire turar. Elevane som må venta på tur, får sitja i skulebussen på kaien i Steinstø, ifølgje rådmannen.Dersom vegen ikkje er opna til skuletida er over, vert det båtskyss også motsett veg.Hesthamar seier vinterfesten til helga gjorde det ekstra viktig for nokre av elevane å koma seg på skulen, ettersom dei er i innspurten av øvinga.
