Biltjuv braut seg inn i hytte

Betjentar frå Kvam og Samnanger lensmannsdistrikt slo fleire fluger i ein smekk då dei sundag rykte ut etter å ha fått melding om innbrot i ei hytte på Kvamskogen. Då politiet kom fram, var tjuven framleis i hytta. Utanfor stod ein bil som vart stolen på Os laurdag kveld. Innbrotstjuven var rusa og hadde mindre mengder med narkotika på seg, fortel politioverbetjent Andor Helgheim.

Personen, som er ein gammal kjenning av politiet, vert sikta for innbrot, biltjuveri, køyring i påverka tilstand og for å ha hatt narkotika. Mannen høyrer ikkje heime i Kvam.