Den skadde vart etter ei tid flytta over på ei båre og køyrd vekk frå ulukkesstaden med sjukebil. Det var ikkje tohjulingen til venstre som var involvert i ulukka.

16-åring braut lårbeinet i trafikkulukke

Ein skuter og ein bil kolliderte på Norheim i Norheimsund i ettermiddag.

Sigbjørn Linga linga@hf.no

Publisert: 21.10.2017 14:57 Sist oppdatert: 23.10.2017 12:29

Vart liggjande lenge

Den unge mannen på skuteren kom nedover i retning mot Norheimsund, og kolliderte med ein møtande bil. Politiet på staden kan ikkje seia noko om årsaka til ulukka enno, men stadfestar at det er konstatert lårbeinsbrot. Mannen i bilen kom frå ulukka utan skadar, og bilen hadde berre små skadar.Guten vart frakta til sjukehus, etter at han vart liggjande lenge i vegen med legetilsyn på grunn av beinbrotet. Luftambulansen landa nær ulukkesstaden, men guten vart etter kvart køyrd vekk frå staden med sjukebil til helikopteret.

Stengd veg

Fylkesveg 130 vart stengd for biltrafikk på staden ei tid, så mange bilar måtte snu og ta ein omveg via fylkesveg 7 for å koma dit dei skulle.Det er 30-sone på ulukkesstaden.