I kveld møtest ”varslargruppa” i Jondal på kort varsel. Frå venstre: Magnar Sollesnes, Reidun Haugen Dalseth, Olav-Magnus Hammer, Jon Larsgard og Tørres Mæland.

Varslargruppe møtest i kveld

Gruppa som arbeider med oppfølging av varslingssakene i Jondal, møtest i kveld.

Sigbjørn Linga linga@hf.no

Publisert: 21.04.2017 13:25 Sist oppdatert: 15:26

I mars signaliserte ordførar Jon Larsgard (Sp) at det burde vera mogeleg å konkludera før april. Sidan har det vore stille. Ingen møte i gruppa er haldne.

HF har ved fleire høve etterlyst siste nytt. Larsgard har opplyst at det ikkje var noko nytt, men at det kunne verta kalla inn til møte på kort varsel.

Det hende i dag. Møtet skal haldast på rådhuset klokka 20.30. Innkallinga spesifiserer ikkje kva som vert temaet ut over ”oppfølging av tiltak” i samband med varslarsakene.

Ifølgje innkallinga vil ordføraren føreslå å lukka møtet.