Tokagjelet: Vegen opnar igjen innan kort tid

Fylkesveg 7 i Tokagjelet vert opna igjen om kort tid. Steinane fall seksti meter.

Rydding pågår. Så snart arbeidet er gjort, vert vegen opna for trafikk.

Geolog Mari Å. Brøto i Statens vegvesen seier til HF at området generelt er rasutsett, men at det ikkje ser ut til å vera fare for nye ras med det fyrste.

Ho fortel at eit steinsprang på ti–tolv blokker på maksimalt to kubikkmeter losna om lag seksti meter over vegen, i ein så godt som loddrett fjellvegg.

Ho opplyser at folk ikkje treng vera meir uroa enn normalt over å køyra gjennom Tokagjelet. Raset har teke med seg det som var på veg mot vegbanen, så ingenting tilseier at det kjem ein etterpåklatt.

Brøto slår fast at det hadde vore noko heilt anna å granska raset i dag dersom steinane hadde treft ein bil. Det hadde mykje truleg fått eit tragisk utfall.