Bilvelt enda truleg godt
Ein bil enda på taket like ved Brenna-svingen mellom Vikøy og Tørvikbygd i Kvam om lag klokka 13.30 i dag.
Den mannlege føraren, som var åleine i bilen, kom truleg frå det utan anna enn skrubbsår, melder politiet. Mannen vart send til legevakta for sjekk.
Bilen låg slik til at han dekte halvparten av det eine køyrefeltet. Brannvesenet dirigerte trafikken og sytte for at bilane kunne passera i kontrollerte former.
Bilen var lasta med kunstgjødsel i ein tilhengar. Ein del av lasta hamna i vegbanen. Kostande brannmenn ordna opp. Bergingsbil var tinga då HF var på ulukkesstaden om lag klokka 14.
