Dei starta dagen på Hyrting – send oss dine foto frå 17. mai!
HF vil gjerne dela din 17. mai med andre.
Publisert
Sist oppdatert
Som vanleg vil HF freista dekkja feiringa av 17. mai etter fattig evne, men det er fysisk umogeleg å vera vitne til kvar pinneis som vert sett til livs og kvar sølje som vert mista.
Difor ynskjer me di hjelp. Sender du oss foto frå feiringa i Kvam og Jondal, er du med i trekkinga av eit gåvekort på 1.200 kroner som du kan bruka på ein valfri, lokal butikk.
Annonse
Send oss aller helst bileta til adressa redaksjon@hf.no med maksimal storleik og oppløysing. Fortel oss kva biletet viser. Om det er bilete av få personar, må du oppgje namn og skaffa samtykke frå dei fotograferte. Tog og liknande offentlege forsamlingar av mange personar kan HF publisera bilete av utan løyve frå nokon.
Bileta kan verta nytta både på nettsida vår og i papiravisa.
Siste frist for å vera med og kjempa om premien er måndag 19. mai klokka 9, men me tek sjølvsagt gjerne imot bilete også etter denne fristen.
