Krasjlanding med fly i Kvam

Eit mikrofly vart skadd under landing på fylkesvegen i Norheimsund i dag.

Det skal ha gått bra med piloten, som var åleine i flyet. Ifølgje politiet og brannvernet verkar han å vera uskadd, medan det er skadar på flyet. Det er ein mindre lekkasje på staden, der brannvesenet er på plass. Etter vel ein halvtime kom også politiet til staden.Ulukka hende i samband med Wings & Wheels Hardanger, som nyttar ei strekkje på fylkesveg 49 til flystripe for småfly delar av laurdagen. Flyet skal ha krasja nær Kvam kraftverk litt etter klokka 12. Det er no flytta vekk frå vegen.