Vask av Strandebarm skule laurdag 23. mars 2019

I haglbyer og kuling frå sørvest møtte Jostein Berge, Randi Aarekol, Elisabeth Børresen, Aleksander Skogasel, Tor Børresen, Kjell Einar Måkestad, Ole Skare, Dan Leander Wilhelmsen og Olav Sletvold opp for å vaske skulen på Tangerås. Etter initiativ frå grendeutvalet, og i samarbeid med FAU, organiserte og førebudde Jostein Berge jobben som skulle gjerast. Det vart skaffa 6 stk. høgtrykksspylarar på bygda, slangar frå båthamna, el-kablar frå idrettslaget og pumpekanner, og kraftvask var innkjøpt. Dagen i førevegen blei det montert sikringstau på veggen slik at ein kunne feste trykkspylarane og kabeltromlane så dei ikkje fall ned frå taket. Slangar og el-kablar vart også lagde på dei ulike stasjonane. Heradet hadde også gjort eit tenleg rullestillas klart til jobben. Vegger, tak og takrenner blei vaska, og takrennene blei tømde for sand frå taket. Då det nærma seg lunsj, kom Sverre Sørnes frå sportellet og inviterte på lunsj. Jobben starta kl. 09.00 om morgonen, og kl. 18.45 var jobben gjord. Utstyret var då rigga ned og låg klart for tilbakelevering på sundagen.

Olav Sletvold