Publisert 25. august 2019 kl. 10.59. Oppdatert 25. august 2019 kl. 18.30.

Tapa den 9. kampen på rad


Øystese ligg 7 poeng under nedrykksstreken i 4. divisjon etter eit nytt tap laurdag.
1-2-tapet for Bremnes på heimebane laurdag var det 9. tapet på rad for blåtrøyene. Laget har ikkje teke poeng i serien sidan 4-2-sigeren mot Os 2 12. mai. På dei 9 kampane sidan då har laget sleppt inn 34 mål, eit snitt på nesten 4 per kamp.
2 lag rykkjer ned til 5. divisjon. I tillegg kan eit 3. lag rykkje ned, avhengig av kva lag som rykkjer ned frå 3. divisjon. Øystese ligg nest sist, 7 poeng bak Varegg, når 8 kampar står att av sesongen.
Fredag bør sjansane for etterlengta poeng vera gode, for då står tabelljumbo Solid på motsett banehalvdel. Solid har teke 1 poeng på 14 kampar.
Serieleiar er Sandviken med 35 poeng.