Publisert 17. august 2019 kl. 09.50. Oppdatert 17. august 2019 kl. 10.49.

Steinras i Tokagjel


Ingen er trefte, og bilar kan så langt passera raset, ifølgje politiet.
Ingen skal vera trefte av steinane, som har falle ned rett ovanfor den øvste tunnelen i gjelet, nemleg Fossgjeltunnelen. På denne staden er fjellveggen langs vegen sikra med nett.
HF har vore på staden. Berre éin stein av ein viss storleik ligg på vegen. Denne ligg på vegskuldera ut mot gjelet, utanfor køyrebanane.
Ein entreprenør er på veg for å rydda opp og vurdera raset, ifølgje Vest politidistrikt.
Raset vart meldt klokka 09.35.