Har tru på gull og europacup

Torgeir Børven har signert ein kontrakt med Rosenborg ballklubb frå 1. august. Kontrakten varar ut 2022. Det stadfestar klubben på nettsida si onsdag, etter at både Telemark-avisa Varden og VG omtala overgangen basert på ikkje namngitte kjelder tysdag.

– Eg er veldig glad for å ha skrive under for Rosenborg. Eg fekk ei god kjensle med ein gong Rosenborg kom på banen, og då var det eigentleg ingen tvil, seier Børven til rbk.no.

– Rosenborg er den største klubben i Noreg, og eg kjem til Trondheim for å oppleva seriegull, cupgull og europacupspel, held han fram

Kontrakten hans med Odd går ut 31. juli. Han har vore i klubben sidan 2018. I fjor skåra spissen 21 mål i Eliteserien, og vart med det toppskårar.

– Eg skal gjera mitt beste for Odd fram til kontrakten går ut, og gler meg til å starta eit nytt kapittel i Trondheim, seier Børven.

Tysdag vart den fyrste kampen i serien spelt. Odd tapa 1–2 for Sandefjord, men Børven skåra igjen. Han reduserte på straffespark på overtid. Kvemmingen spela heile kampen for heimelaget.