Rossvolldamene i 2. divisjon gjorde det ikkje enkelt for gjestene då dei spela på heimebane laurdag. Dei vann 3 av 4 sett mot TIF Viking 3. Framme ved nettet står Kristine Eide (t.v.) og Agnethe Lie Øyri.
Mari Ulvund
Siger og tap på heimebane
Det var full aktivitet i idrettshallen i Øystese frå morgon til kveld då både damelaget i 2. divisjon og dei to herrelaga i 1. og 2. divisjon skulle kjempa om sigeren på heimebane. Fyrst ut var damene, som vann 3–1 over TIF Viking 3.
Agnethe Lie Øyri, som er ei av dei rutinerte kvinnene på laget, omtalar kampen som «litt opp og ned».
– Me spela veldig godt i dei to fyrste setta. Då var me gode på det meste, snakka saman og stod der me skulle. Me var flinke til å halda trykket oppe, seier ho.