Frå venstre: Knut Øystein Fosse, Inger Karin Tordal, Monica Svanevik Ekanger, Adler Ekanger, Jostein Berge og Siv Øygard la ut på tur i skodda laurdag.
Sigbjørn Linga
Padla i gang friluftsåret
I «padlenaustet» ved Strandebarm Marina ved Tangeråsneset heng mellom anna fleire ståbrett og titals kajakkar og kanoar, årar og vestar på rekkje og rad og ventar på å verta tekne i bruk.
Laurdag kom seks av kajakkane i drift då ein liten gjeng padlarar møttest for å padla frå bryggja og leggja ut på den blikstille, skoddedekte fjorden. Målet denne dagen var Linga.
Dit kom dei ved å fylgja land, ettersom det kan vera risikabelt å ramla i vatnet langt utpå fjorden vinterstid. Det fortel Mona Svanevik Ekanger, ein av frontfigurane og padleentusiastane i sjøsportsgruppa til Strandebarm idrettslag, kalla SjøAktiv.