Den blå streken viser den nye turløypa.
Asplan Viak/Kvam herad
No kan du gå rundt Haugamyr
Løypa er lagd rundt ytterkanten og har snarvegar mellom dei ulike delane av området. I austre del er løypa relativt flat, medan ho har større høgdeskilnadar rundt fotballbanen i nordvest. Kostnaden på 700.874 kroner er dekt mellom anna med 300.000 kroner i spelemidlar for 2023 frå Vestland fylkeskommune.
I søknaden til heradet skreiv klubben at det har vore arbeidd for utvikling av anlegget sidan slutten av 1990-talet. Planane som er teikna av Cowi AS i 1999, og deretter Asplan Viak AS i 2021, viser korleis ulike aktivitetar og idrettar kan skapa ein møteplass på Haugamyr.
Klubben ville, ifylgje søknaden, prioritera ny fotballbane for 7-arfotball og turløype rundt heile området. I januar 2023 inngjekk klubben og heradet ein avtale om drift av joggeløypa i ti år.