Ruth Solveig Gravdal sentrar til medspelarane Alma Rake, Maja Linga og Runa Mo.
Charlotte Svendsen
Med fotball på timeplanen
Fotballfløyta ljomar utover fotballbana. Piggar klaprar mot asfalten. Skrik fylte av glede og spenning. 118 raudkledde jenter og gutar set seg i ringen rundt midtbana. Dei 16 trenarane er kledde i blått.
Sola skin frå blå himmel under opninga av Tine Fotballskule måndag morgon. I tre dagar skal borna leika og spela fotball.
– Fyrste dagen er mange av borna usikre. Dei vert meir og meir engasjerte for kvar dag. Det er kjekt å sjå at dei finn glede i å spela fotball, seier Viljar Berge Eide.