Arne-Kristian Teigland ser ikkje ut som ein slagen mann på den ferske videoen frå i dag.
AK til Sydpolen
– Litt dramatikk, men det går bra
Polfararen frå Øystese måtte avbryta turen frå Hercules Inlet til Sørpolen torsdag, eit par hundre kilometer frå målet og mogelegvis ei rekordtid. Han svima av på isen og måtte setja opp og søkja ly i teltet då han kom til seg sjølv att.
Etter ein del timar i teltet vart han henta med fly til ALE-basen Union Glacier, som kan skilta med antarktisk luksus som mellom anna legar.
Konklusjonen etter ein medisinsk sjekk var at Teigland var kald då han kom og at blodtrykket var noko lågt, men at det elles såg bra ut så langt. Det fortel medietalsmann Rune Mo-Bjørkelund til HF fredag kveld.