Knut Hjeltnes er død
Diskoskastaren døydde natt til onsdag, melder fleire norske medium.
Hjeltnes vart fødd i og budde i Ulvik før familien flytta til Øystese i Kvam, der han budde fram til han flytta frå bygda som 17-åring. VG har fått dødsfallet stadfesta av broren, Nils Hjeltnes.
Knut Hjeltnes var mellom dei fremste norske utøvarane i ei årrekkje på 1970- og 1980-talet, og tok mellom anna 4.-plass i OL på 1980-talet. Han vart utestengd frå idretten i eitt år etter å ha avlagt positive dopingprøvar.
Artikkelen held fram under annonsen.
Noregsrekorden i diskos, 69,62 meter, har Hjeltnes framleis. Rekorden vart sett i 1985.
Hjeltnes har budd i USA i mange år. Han vart 72 år gamal.
