Hanna Børve har fått plass på U23-landslaget.

Hanne Børve på landslaget

Skiskyttaen frå Øystese skal representera det norske U23-landslaget i 2020/2021-sesongen.

– Eg hadde ein god sesong i fjor, så eg hadde eit håp om at det skulle verta landslagsplass. Likevel er det stor stas når det no er klart, fortel Børve.

U23-landslaget er det yngste landslaget og dette er hennar første moglegheit til å bli tatt ut.

Artikkelen held fram under annonsen.

– Truleg vert støtteapparatet større og oppfølginga tettare når ein er på eit landslag, seier ho.

Landslagsplassen medfører ikkje at ho får frikort til tevlingar.

– Sjølv om ein er ein del av eit landslag, må ein kvalifisera seg på lik linj med alle andre til junior-VM og andre renn i utlandet. Jobben må gjerast uansett, seier ho.

Børve, som bur og går på skule på Geilo, fortel at ho feirar påsken heime i Kvam. Suksessen ho har hatt i sporet, har vorte lagt merke til av sambygdingane.

– Når eg er heime, vert eg rett som det er gratulert av folk. Det er veldig kjekt at folk følgjer med og engasjerer seg i det eg driv med, fortel ho.