Jenter U17-laget til Rossvoll volleyballklubb vart slått ut i semifinalen av Bodø volley i U17-noregsmeisterskapen i Ålesund. Bodø vann første sett 25-18 etter å ha hatt overtaket gjennom heile settet. Andre sett vart nervepirrande. Rossvoll tok leiinga tidleg, før Bodø utlikna til 5-5 og tok endå to poeng. Rossvoll klarte å utlikna til 11-11, men sidan drog Bodø smått frå. Rossvoll klarte ikkje henta seg inn att, og måtte til slutt sjå seg slått 25-22. Rossvoll møter Oslo-laget Koll til bronsefinale i morgon.
Kvemmingane møtte Grong volley og Asker skiklubb i gruppespelet. Rossvolljentene vann båe kampane 2-0 med gode marginar. I sluttspelet møtte dei SIF/Hessa idrettslag og KFUM Stavanger. Rossvoll slo SIF/Hessa overlegent, med 25-10 og 25-7. KFUM Stavanger gav litt meir motstand. I den kampen vart stillinga 25-20 i første sett og 25-17 i andre. Då det var klart at Rossvoll skulle til NM, sa kaptein Monika Femsteinevik Stakseng at ho håpa på topp fem. - Det beste vil vera å komma på pallen. Me vil i alle fall hamna blant dei ti beste, sa ho.
