Vestlandsk infrastruktur hindrar utvikling, meiner fylkesordføraren
Denne veka møtte fylkesordførar Jon Askeland og representantar frå hovudutvalet for samferdsel og mobilitet samferdsleminister Knut Arild Hareide i Stavanger. Fylkesordføraren peika då på at fylkesvegnettet i Vestland hindrar vekst.
Samferdsleministeren er på noregsturné for å besøkje dei største byane og diskutere prioriteringane i NTP.
– Vestlandet er landets største verdiskapingsfylke, og etterslepet i den grunnleggande infrastrukturen som fylkesvegnettet representerer, er til hinder for vidare vekst og næringsutvikling, sa fylkesordføraren i Vestland under møtet.
Artikkelen held fram under annonsen.
Statsråden ønskte ein overordna og strategisk diskusjon om utfordringar og prioriteringar på vegane.
– Møtet har vore nyttig, og dette er starten på ein god dialog vidare, seier Askeland.
