Vestland minner kommunane om å søke folkehelsemidlar
Vestland fylkeskommunen har fordelt over 1,2 millionar kroner til folkehelsearbeid i 13 kommunar. No minner fylkeskommunen om at alle kommunane i fylket kan søke om å få opptil 100.000 kroner til tiltak for folkehelsa.
– Vi oppmodar alle kommunane om å vere om seg og søke om folkehelsemidlane innan fristen. God folkehelse er eit felles ansvar. Gjennom folkehelsearbeidet vil vi leggje til rette for ei samfunnsutvikling som motverkar sosial ulikskap og fremjar god helse og trivsel, seier Synnøve Stalheim, som er seksjonssjef for plan, klima og folkehelse i Vestland fylkeskommune i ei pressemelding.
Kommunen kan søke om pengar til folkehelsearbeid frå fylkeskommunen to gonger i året, den første fristen var 15. mai. 13 kommunar fekk då tilskot, blant anna Bergen, Bømlo og Sunnfjord.
Artikkelen held fram under annonsen.
Sunnfjord kommune skal bruke folkehelsemidlane på å styrke samarbeid og planlegging på tvers av den nye storkommunen og satse på verdiskaping i nærmiljøet står det i pressemeldinga.
Fristen for å søke om pengar til folkehelsearbeid i kommunane er 15. september.
