Vestland lyser ut 12 millionar til forsking
Bedrifter, kommunar og forskingsorganisasjonar i Vestland kan no søkje Regionalt forskingsfond (RFF) Vestland om stønad til forsking som styrkjer innovasjon og berekraftig verdiskaping.
– Dei 12 millionane skal i år gå til forsking som bidreg til innovative løysingar innan anten klimaomstilling og det grøne skiftet eller samfunnstryggleik og beredskap. Det er tema som er godt forankra i utviklingsplanen for Vestland, seier fylkesordførar Jon Askeland, som er styreleiar for RFF Vestland, i ei pressemelding.
Kvart forskingsprosjekt kan få inntil tre millionar kroner i stønad. Det betyr at det er nokre få prosjekt som får stønad.
Artikkelen held fram under annonsen.
Prosjekta skal ifølgje fylkeskommunen bety noko for utviklinga av samfunns- og næringslivet i fylket. Søknadane må dekke eitt eller begge temaområda i utlysinga. Søknadsfristen er 1. desember 2020.
