– Verkar å vera uskadd
Onsdag morgon velta ein bil på fylkesveg 79 ved Fykse i Kvam herad.
Publisert
Sist oppdatert
Det melde Vest politidistrikt i Politiloggen klokka 06.12. Meldinga om ulukka kom klokka 06.05. Politiet rykte ut.
Føraren, som var åleine i bilen, verka å vera uskadd etter at bilen kom opp på ein kant og velta. Bilen hamna slik til at han sperra vegen om lag hundre meter frå brua over Fyksesund, i retning mot Granvin.
Annonse
Vegen vart såleis stengd, melde Vegtrafikksentralen vest klokka 06.34. Klokka 08.18 melde sentralen at det var fri ferdsle på staden igjen.
Det er snø og glatt på staden, melder politiet, som var framme på staden litt etter klokka 06.30. Då hadde det danna seg litt kø. Bilbergar vart tinga frå Øystese, ifylgje ei oppdatering.
Klokka 07.18 melde politiet at dei var ferdige på staden. Ingen personskade var registrert.
