Vegtoaletta klare for bilturistane i sommar
Mange nordmenn skal på ferie i eige land i sommar. No kjem Statens vegvesen med ei gladnyheit for dei som må lette på trykket langs vegane.
Bilferie blir truleg ein av ferieslagerane i sommar, og no opplyser Statens vegvesen at alle toalett langs riks- og europavegane vil vere opne for bilturistar denne sommaren.
På grunn av smittevernomsyn i samband med koronapandemien har rasteplasstoalett utan innlagt vatn ikkje vorte opna etter vinterstenging, men no skal alle desse bli opna i juni.
Artikkelen held fram under annonsen.
På rasteplassane som ligg langs riks- og europavegane i Noreg, er det totalt nærare 775 toalett til saman. Det er Statens vegvesen som har ansvaret for desse og som vil sørgje for at det blir utført ekstra reinhald i sommar.
Rasteplassar langs fylkesvegane er det dei respektive fylkeskommunane som har ansvaret for.
(©NPK)
