Utanlandsturistane tilbake i Noreg etter pandemien

Talet på utanlandske overnattingar på norske overnattingsstader var i august nesten tilbake på same nivå som før koronapandemien, viser tal frå SSB.

Det var det nesten 2 millionar utanlandske overnattingar i Noreg i august, ifølgje tala frå Statistisk sentralbyrå. Det er ein auke på 129 prosent frå i fjor og nesten på nivå med 2019, før koronapandemien.

Talet på norske hotellovernattingar fall med 8 prosent, samanlikna med august i fjor, men talet på overnattingar var likevel 109.000 høgare enn i 2019.

– Opne grenser betydde fleire moglegheiter for nordmenn i år, men likevel klarte hotella å behalde dei høge tala samanlikna med i fjor, seier Kristin Aasestad i SSB.

Samanlikna med 2019 var det 18 prosent færre utanlandske overnattingar i august. Framleis er det få overnattingar av menneske frå Asia, og samanlikna med august 2019 er talet på overnattingar av personar frå Kina, Japan og Sør-Korea berre 10 prosent i år.

(©NPK)