– Unngå å kaste feittet i avløpet
Etter julemiddagen er det mange som kastar feitt frå pinnekjøt og ribbe rett i kjøkkenvasken. Men det kan føre til tette røyr, tilbakeslag og dyre vasskadar.
Ifølgje nettstaden fettvett.no trur ein av seks mellom 15 og 44 år at det er greitt å helle feitt i avløpsrøyra, så lenge ein skyl med vatn etterpå. Men det stemmer ikkje, skriv forsikringsselskapet Tryg i ei pressemelding.
– Mange trur at feitt som blir helt i vasken berre forsvinn, men i realiteten legg det seg som eit seigt belegg i røyra. Over tid kan det føre til full stans, tilbakeslag og i verste fall vasskadar. I tillegg er det som ein julebuffé for rottene, seier kommunikasjonsrådgjevar i Tryg Forsikring, Espen Borge.
Annonse
Fettvett.no skriv vidare at fjerning av feitt i avløpsnettet kostar fleire millionar kroner å reparere.
Slik blir du kvitt julefeittet på riktig måte:
• Lat feittet kjøle seg ned og stivne i kjelen eller forma.
• Skrap feittet over i tom mjølkekartong, aluminiumsfolie eller ein anna tett behaldar.
Annonse
• Kast feittet i restavfallet.
• Tørk steikepanner og fat med tørkepapir før oppvask.
(©NPK)
