— Ikkje alvorleg skadd etter trafikkuhell

Ei kvinne i 40-åra køyrde sundag morgon i ein bergknaus i Jondal.

Meldinga kom til politiet klokka 07.09, opplyser Vest politidistrikt på Twitter.

Det var i 50-sona på fylkesveg 49 ved Belsnes at kvinna kom for langt ut på kanten og trefte ein bergknaus. Vedkomande vart ikkje alvorleg skadd, og det var ingen andre bilar eller personar innblanda, opplyser Vest politidistrikt.

Det var noko lekkasje frå bilen etter hendinga. Vegen vart stengd, men opna att etter kort tid, opplyser Vegtrafikksentralen på Twitter.

Politiet har oppretta sak, men det er ikkje mistanke om køyring i rusa tilstand.