Trafikkulukke i Jondal
Natt til laurdag rykte naudetatane ut til ei trafikkulukke i Solesnesvegen i Jondal.
Det opplyste 110 Vest på X klokka 00.16. Ein personbil hadde køyrt av vegen. Det var store materielle skadar, og kollisjonsputene vart utløyste, ifylgje meldinga.
Operasjonsleiar Frode Kolltveit i Vest politidistrikt opplyste i politiloggen klokka 00.22 at bilen skal ha vore ute i grøfta, for så å ha hamna tilbake i vegbana. Ifylgje politistasjonssjef Øystein Torsnes ved Hardanger politistasjon kom bilen over i motgåande køyrefelt og køyrde oppover ein bergklett før han landa i vegen, utan å rulla rundt.
Artikkelen held fram under annonsen.
Ifylgje meldinga var dei to involverte vakne og medvitne, men båe opplyste om at dei hadde ulike smerter.
– Begge involverte vert tekne med til sjukehuset i Odda i ambulanse. Ingen mistanke om rus, skreiv Kolltveit i ei oppdatering klokka 01.25.
Føraren var ein 18 år gamal mann. Passasjeren var ein 15 år gamal gut. Føraren fekk førarkortet kverrsett.
Torsnes veit ikkje meir om tilstanden måndag, men går ut frå at dei to i bilen ikkje vart alvorleg skadde sidan politiet ikkje har høyrt meir om saka.
