Trafikkulukke i Tørvikbygd

Klokka 11.56 melde Vest politidistrikt i Politiloggen at politi og ambulanse var på veg til ei ulukke i Tørvikbygd. 

To bilar var involverte i ulukka, som hende på strekninga ved Berge Gard & Gartneri.

Ifylgje vakthavande politi på staden har bilane køyrd mot Norheimsund. Den eine bilen vart påkøyrd bakfrå då han skulle køyra av vegen og svinga inn mot gartneriet. Køyretøya stod delvis ute av vegbanen.

Det var to personar i bilen som vart påkøyrd, og tre i den andre bilen. Ein av personane vart køyrd til legevakta for sjekk. Dei andre framstår som uskadde, opplyser politiet på staden.

Meldinga om ulukka kom klokka 11.43.

Klokka 11.58 var ambulanse på staden. Tre minutt seinare var også politiet på plass.

Klokka 12.57 melde politiet at bilbergar var på veg til staden.