Trafikkstasjonane held stengt til og med 17. april
Trafikkstasjonane i landet held stengt til over påske. Det tyder mellom anna at all oppkøyring til førarkort er innstilt inntil vidare.
– Vi følgjer tilrådingane frå helsestyresmaktene og gjer løpande vurderingar av kva som er forsvarleg. Vi jobbar med tiltak som kan gjere det aktuelt å opne trafikkstasjonane delvis att, men dette krev ein del planlegging, seier direktør Bodil Rønning Dreyer i Statens vegvesen i ei pressemelding.
Alle trafikkstasjonane i landet vart stengde 13. mars. Stenginga inneber at alle skranketenester er heilt stengde, at det er ikkje mogleg å gjennomføre teoriprøve, og at oppkøyring til førarkort er avlyst til og med 17. april. Tilbodet om køyretøykontroll i hall er samtidig redusert.
Artikkelen held fram under annonsen.
Dreyer understrekar at det framleis er mange førarkort- og køyretøytenester ein tidlegare måtte gjere på trafikkstasjonen, som ein no kan gjere digitalt.
(©NPK)