Skred stengde vegen i Tokagjelet

Eit mindre jord- og steinskred gjekk i Tokagjelet i Kvam fredag morgon.

Ingen vart skadd i skredet. Fylkesvegen vart mellombels stengd øvst og nedst i gjelet. Entreprenøren var i ferd med å rydda vegen, opplyste Vest politidistrikt klokka 07.53.

Klokka 08.20 kom meldinga frå Vegtrafikksentralen om at vegen var open for fri ferdsle att.

Meldinga om skredet kom til naudetatane klokka 07.04.