To nye koronatilfelle er påviste

To ungdomar har fått påvist covid-19, melder Ullensvang kommune onsdag kveld.

Båe var i karantene frå før, og båe har milde symptom. Dei har berre éin nærkontakt. Ungdomane kjem ikkje frå Ullensvang, men oppheld seg for tida i ei hytte i kommunen.

– Så det er god kontroll på at smitten ikkje spreier seg vidare, opplyser ordførar Roald Aga Haug i ei pressemelding.

Tidlegare torsdag kom meldinga om smitta nummer 19 i Ullensvang. Talet er dermed oppe i 21.