Tunnel mellom Austrepollen og Nordrepollen er eit av dei stegvise tiltaka som kan gjennomførast i det tilrådde konseptet for ny veg frå Jøsendal til Bergen.
Tilrår inga eller berre delvis utbygging
I «Den nye kapellanen» skildra Hans E. Kinck Vesle-Ola og familien som gaula til framandkaren: «Her er vegen! Her er vegen!»
Likeins står kommunar og ymse organisasjonar seg stort sett sjølve nærast og ropar til Statens vegvesen. I 31 høyringsfråsegner har dei gjeve melding om kvar dei meiner vegen – eller «armen», for dei kroppsfikserte – frå E134 til bør gå den vakre dagen han vert realisert. Innstillinga frå Statens vegvesen er å satsa på å utnytta dagens veg frå Jøsendal via Odda, Norheimsund og Trengereid til Bergen.
No har vegstellet samanfatta, kommentert og offentleggjort fråsegnene som eit samla verk, saman med den påkravde eksterne kvalitetssikringa (KS1) av konseptvalutgreiinga (KVU) av det vidløftige vegprosjektet.
