18-åring til sjukehus etter ulukke
Ein 18 år gammal motorsyklist vart send til Haukeland universitetssjukehus etter ei trafikkulukke på fylkesveg 553 ved Innstranda fredag kveld, fortel politioverbetjent Svein Valland Laupsa ved Kvam, Samnanger og Tysnes lensmannskontor.
Politiet fekk melding om ulukka klokka 23.44. Føraren var på veg mot Norheimsund. I ein venstresving mista 18-åringen kontrollen. Han vart kasta over eit autovern og ned ei skråning.
Saka vert etterforska. Det er ikkje mistanke om at føraren var rusa.
