Arne Sandven (H) slår seg ikkje til ro med ein heile månad utan å kunna lesa postlista.
Sigbjørn Linga
Tek til orde for postlister også som sommarlektyre
Kvar sommar det same, kunne Jon Fosse ha skrive i ein eventuell roman om postlista. Ein gong kring månadsskiftet mellom juni og juli har det skjedd i ei årrekkje: Oppdateringa av postlista på nettstaden kvam.no stoggar brått og brutalt.
Dei einaste som ser postlista om sommaren, utanom nokre heldige tilsette i fellessekretariatet, er dei tilsette HF. Lokalavisa får nemleg listene tilsende manuelt og har såleis høve til å be om å få tilsendt dokumenta ho ynskjer. Andre må venta minst til veke 30 før dei kan kasta seg over post frå ein heil månad.
Ifylgje ein e-post om ordninga frå Kvam herad til HF før ferien kan ikkje Kvam herad garantera journalføring og kontroll av dokument innan 48 timar. Vanlegvis går det nemleg 48 timar mellom journalføring og oppdatering av postlista. Det som derimot ikkje kjem fram i orienteringa, er kvifor postlistene ikkje vert publiserte på nett.