Illustrasjonsbilde. Foto: Erik Johansen / NTB / NPK

Straumprisane skyt i vêret

Etter rekordlåge straumprisar i fjor, må vi no ut med det mangedoble for lys og varme.

Det er fleire årsaker til at straumprisane går opp, fortel NRK. Kaldt ver og lite nedbør er ein del av forklaringa, mein ikkje heile.

– Når det er kaldt, er det gjerne også mindre vind, som fører til lite vindkraftproduksjon både i Noreg og Europa. I Europa er også prisane på utsleppskvotar på sitt høgste, og det pressar straumprisane her heime opp, forklarer kommunikasjonsdirektør i kraftbørsen NordPool som reknar ut straumprisane time for time.

Artikkelen held fram under annonsen.

Går det som handelssjef i Sogn og Fjordane Energi, Bengt Jostein Haugnes, spår, vil den høge straumprisen likevel berre vera forbigåande.

– Vassmagasina er relativt fulle, så prisen vil ikkje bli ekstrem høg så lenge vi får ein normal vinter med påfyll av snø. Faren for langvarig høge prisar er ikkje veldig stor, seier han.

(©NPK)