Straumbrot i Jondal
Straumen gjekk i området Jondal–Utne onsdag kveld.
Publisert
Sist oppdatert
Indre Hordaland Kraftnett melder på heimesida onsdag kveld at straumbrotet gjeld området frå Jondal mot Utne. Årsaka er brot i forsyninga frå Mauranger.
Feilen er varig, og det vert arbeidd med å gjenoppretta forsyninga via reservenettet, melder netteigaren.
Annonse
Straumbrotet fører til seinkingar i ferjesambandet på inntil ein halv time onsdag kveld, melder Fjord1 i ei driftsmelding på vegner av Skyss.
I alle fall i Herand kom straumen tilbake om lag klokka 22.15, opplyser ein ibuar HF har vore i kontakt med der.
