Éi avdeling i Jondal barnehage vert råka av covid-19

Årsaka er ein positiv prøve kopla til barnehagen.

I ei pressemelding laurdag opplyste Ullensvang kommune at Jondal barnehage vert stengd måndag. Sundag opplyser ordførar Roald Aga Haug at berre éi avdeling i barnehagen får redusert drift, medan resten av barnehagen vert open som vanleg komande veke. Nærkontaktane er sette i karantene og vert testa, melder kommunen.

Om nokon mistenkjer smitte i Jondal, kan dei henta testar på Vikevollen sjukeheim. I helga må dei ringja nummeret som står på døra.

Kommunen oppmodar sterkt om at born vert testa om det er mistanke om smitte, men dette er opp til dei føresette.

Sundag er det ikkje meldt om nye positive prøvar i kommunen, opplyser ordføraren.