Stengjer E16 laurdag

Trafikken mellom Trengereid og Voss vil gå via Hardanger frå laurdag klokka 07. Då stengjer E16 ved Dalseidtunnelen i Vaksdal på grunn av vegarbeid. Vegen er venta å opna att om lag klokka 12 sundag.

Det er venta mykje trafikk på omkøyringsvegane. Trafikkoperatør Arne Viken i Vegtrafikksentralen Vest seier til avisa Hordaland at det er naudsynt arbeid som må gjerast, og han ber trafikantane om å smørja seg med tolmod. 

Einar Selland i infrastruktur- og vegavdelinga til Vestland fylkeskommune seier til HF at Presis Vegdrift skal ha folk ute til å passa på og fylgja med, og dirigera trafikken om det vert naudsynt. Elles skal det ryddast mest mogleg rundt anleggsarbeidet mellom Folkedal og Granvin, for å laga best mogleg møteplassar. 

– Me ser det er mange ferierande langs vegen enno, og for dei som ikkje les lokalaviser, kan det koma litt brått på, seier Selland.