Fleire steinar og eit tre hamna sundag kveld i vegbanen på fylkesveg 79 i Steinstøberget, som ligg mellom Steinstø og Ytre Ålvik.
Trafikkoperatør Tom Erik Englaugstad hjå Vegtrafikksentralen vest seier til HF at steinane skal vega eit par hundre kilo. Det var trafikantar i området som varsla om hendinga.
Annonse
Entreprenøren vart tilkalla til staden. Vegen vart stengd. Ifylgje vegmeldingstenesta til Statens vegvesen vert vegen stengd minst fram til ei ny vurdering måndag klokka 9.
Bergens Tidende omtala skredet fyrst.
