Veg er open att etter skred
Skredet gjekk over fylkesveg 49 mellom Nordrepollentunnelen og Jondalstunnelen. Vegen vart stengd til sundag ettermiddag.
Skredet, som kom berre ei veke etter det førre, vart gjort kjent av Vest politidistrikt laurdag ettermiddag. Meldinga om hendinga kom klokka 16.10.
Det var observert bilar i området, men det vart raskt avklara at ingen var fysisk råka av skredet, melder politiet.
Artikkelen held fram under annonsen.
Naudetatane og entreprenøren rykte ut til ulukka og konstaterte at det låg store steinar i vegen.
Både Jondalstunnelen og Folgefonntunnelen var stengde rett etter skredet, men opna att etter kort tid. Vegen mellom Jondalstunnelen og Nordrepollentunnelen var stengd til sundag ettermiddag, etter at rasfaren var vurdert på nytt, melder Vegtrafikksentralen vest.
