Stadig fleire borgarlege konfirmantar

Human-etisk Forbund (HEF) har over 15.000 påmelde til konfirmasjonsundervisning i 2023, noko som er rekord. Samtidig konfirmerer færre seg i Den norske kyrkja.

– Vi har gått frå å vere eit alternativ til å bli ein likeverdig aktør med kyrkja i denne marknaden, seier HEF-leiar Christian Lomsdalen til Dagen.

Det er framleis klart flest som konfirmerer seg i kyrkja – vel 33.000 er påmelde til neste års undervisning der. Men avstanden minkar. Samtidig har ikkje Lomsdalen konkrete ambisjonar om å bli størst.

– Eg lever fint med at det er to store aktørar. Det viktigaste er at tenåringar i heile landet skal kunne konfirmere seg i tråd med sitt eige livssyn, seier han.

(©NPK)