Stein hamna gjennom veggen då det vart sprengt på nabotomta. Foto: Eirik Dyrøy Lotsberg

Sprengingsulukke på Kvamskogen

Politiet rykte tysdag ettermiddag ut til ei ulukke på Kvamskogen. Ein lokal entreprenør skulle skyta ut ei hyttetomt. I samband med den første salva skjedde det ei ulukke. Steinmassar har treft hytta nedanfor, der dei har knust gjennom bakre vegg og landa på taket.

Sprengingsmassene hamna på avvege, og nokre steinar trefte hytta nedanfor. Foto: Eirik Dyrøy Lotsberg

Ingen personar vart skadde.

Skadeomfanget er ukjent, men stort, seier politiførstebetjent Anne Siri Tysseland i Kvam, Samnanger og Tysnes lensmannsdistrikt.

Ho seier det er for tidleg å slå fast årsaka til ulukka. Politiet opprettar sak.

Eigaren av hytta er kontakta av både politiet og entreprenøren.

Politiet oppretter sak etter ulukka. Foto: Eirik Dyrøy Lotsberg