– Sperrar veg

Ein trailer sperrar delar av vegen på Mundheim tysdag morgon, melder politiet.

Nett kva veg det er snakk om, seier den lange lovarmen førebels ingenting om. Grenda skriv at traileren stod eit stykke frå Mundheim sentrum mot Hatlestrand.

Mindre køyretøy kan uansett passera doningen. Bilbergar er på veg, ifylgje meldinga frå Vest politidistrikt klokka 9.01.

Tysdag morgon er prega av snøvêr i Hardanger. Yr.no melder snøfall minst til lunsj.