Ordførar Hans-Erik Ringkjøb i Voss herad opplyser om to nye smittetilfelle onsdag.

Smitte på Voss kan få store følgjer

Elevane på ungdomsskulen i Granvin og borna på ei avdeling i Tueteigen barnehage vert sende heim resten av veke på grunn av koronasmitte.

I tillegg må ein klasse på Voss vidaregåande skule i karantene ut veka. Elevane vert testa.

Det opplyser ordførar Hans-Erik Ringkjøb i Voss herad i ei pressemelding onsdag. To nye smittetilfelle ligg bak tiltaka.

Artikkelen held fram under annonsen.

Kommuneoverlege Eystein J. Hauge presiserer at det ikkje er born eller tilsette som er smitta, men at «heilt spesielle omstende rundt situasjonen fører til eit risikobilde som gjer at me må setja borna i ventekarantene ut veka».

Ventekarantenen borna sit i, vert avslutta dersom potensielt smitta personar får negative prøvesvar. Er svara positive, må borna i ordinær karantene.

Eit smittetilfelle er kopla til minst fire andre nærkontaktar. Smittesporarane arbeider med saka. Det andre tilfellet er meir oversiktleg, og har tre nærkontaktar som vert kontakta og testa.