Skredsikring står for tur vest for Vangdalsbergtunnelen, der liene ovanfor vegen er svært bratte opp mot Bergsberget og Katthellernuten.
Sigbjørn Linga
Skredsikring fører til vegstenging
Dei neste månadene vert det nemleg utført skredsikringsarbeid på fylkesveg 49 mellom Vangdalsbergtunnelen og Saltkjelen.
Overingeniør og byggjeleiar Einar Selland i Vestland fylkeskommune fortel at tre såkalla fanggjerde, altså høge gjerde som skal fanga opp skred, skal monterast ovanfor vegen. Gjerda skal gå 350 meter frå tunnelmunninga i retning mot Tørvikbygd.
Statens vegvesen skriv i ei trafikkmelding at arbeidet tok til 12. februar og skal vara til 19. mai. Måndag til laurdag frå klokka 07.00 til 19.00 kan vegen verta stengd i inntil ein time. Det vert manuell dirigering og kolonnekøyring med leiebil.