Like før klokka 14 onsdag melde 110 Vest at det brann i ein skorstein i Herand. Det skal ha kome noko røyk i bustaden. To personar pusta inn litt røyk, men var oppegåande, skreiv operasjonsleiar Jostein Steinsland-Hauge i 110 Vest.
Brannen hadde då ikkje spreidd seg til konstruksjonen.
Annonse
– Det var ganske mykje varme og røyk som utvikla seg, så det var bra at brannvesenet kom til staden og fekk sløkt det, seier politistasjonssjef Øystein Torsnes ved Hardanger politistasjon til HF torsdag føremiddag.
Han opplyser at det vert oppretta sak på forholdet og at hendinga skal undersøkjast.
