Jostein Moldsvor (KrF) lurar på kva kvemmingane kan gjera for å bidra til å nå målet om å redusera det norske alkoholforbruket. Ifylgje administrasjonen er det lite å henta gjennom føringane for sal og skjenking.
Mari Ulvund
Skjenkjereglar for få liter
– Me er usikre på kva me kan gjera, sa Jostein Moldsvor (KrF) då formannskapet drøfta dei nye alkoholpolitiske retningslinene 15. mai.
Så nye er dei kanskje ikkje, for rådmannen vil jamt over og med berre små justeringar halda fram med dei gamle. Og det er nettopp det som ifylgje KrF kan vera problemet, ettersom nasjonale mål tilseier at alkoholforbruket innan neste år skal ned med ti prosent samanlikna med 2010. Statistikken kan tilseia status quo etter at 14 av 15 år har gått, meiner Moldsvor, som etterlyser respons frå dei andre partia når KrF påpeikar spriket mellom teori og praksis.
– Me får liksom ikkje nokon respons på kva me gjer for å nå målet, sa Moldsvor i formannskapsordskiftet.